Незвычайная вандроўка па Чашніках

Да Дня народнага адзінства і Дня горада Чашнікі было прымеркавана мерапрыемства, якое арганізавалі супрацоўнікі дзіцячай бібліятэкі райцэнтра.

Экскурсія па гістарычных лакацыях горада адбылася для вучняў Вядрэнскай дзіцячы сад-базавай школы. Падчас вандроўкі дзеці даведаліся, што на месцы, дзе зараз знаходзіцца Чашніцкая гімназія, калісьці стаяў велічны дамініканскі касцёл, які лічыўся адным з найбуйнейшых у Беларусі. З цікавасцю слухалі школьнікі расповед экскурсавода пра вуліцу Міра, гандлёвую плошчу, дом заможнага купца Гурэвіча.
Пабывалі госці з вёскі і на гісторыка -геаграфічнай карце Чашніцкага раёна. Маршрут таксама праходзіў па вуліцы Савецкай, праз Алею Герояў, каля помніка воінам-вызваліцелям, брацкай магілы савецкіх воінаў і партызан і скончыўся каля Спаса-Праабражэнскай царквы.

Варвара ЮРКЕВІЧ.