Колькі ўжо год прайшло, а здаецца, усё было толькі ўчора. Вось малады хлопец, прыйшоўшы з арміі, уладкоўваецца на працу ў пажарную часць па ахове Лукомльскай ДРЭС. Праз некаторы час, атрымаўшы спецыяльную адукацыю, званне афіцэра, займае пасаду інспектара па прафілактыцы. У верасні восемдзесят шостага яму было трыццать два гады, і, адпраўляючыся па загаду камандавання ў Брагін, ён пакінуў дома жонку і дваіх дзетак.
Добра памятае былы пажарны, як спецыяльным растворам мылі машыны, дахі дамоў, асфальт. «Бывала такое: мераем у адным месцы дазіметрам узровень радыяцыі — усё ў норме. Адыходзімся на дваццаць метраў — прыбор пачынае зашкальваць, — распавядае сведка падзей. — Бачылі вёскі з аднаго боку выселеныя, бо там высокі ўзровень забруджанасці, і, акрамя курэй ды катоў з сабакамі, там нікога не зной-дзеш. А з другога — жывуць людзі».
Спачатку дзікавата было сустракаць у населеных пунктах адных дарослых. Ніводнага дзіцяці. Але з цягам часу дзеці пачалі вяртацца з піянерскіх лагераў, санаторыяў, куды іх вывезлі адразу пасля трагедыі. Даваліся дзіву, калі бачылі вялікія вёскі з прыгожымі хатамі, закінутымі, зарослымі пустазеллем. Шмат было міліцыянераў, ваенных і — калючага дроту, за які нікога не пускалі.
Хаця і не дазвалялі жыхарам наведвацца ў «зону», не ўсе падпарадкоўваліся.
Час ад часу пажарным прыходзілася выязджаць у населеныя пункты, дзе ніхто не жыў. «Думаю, што ўпотай, цішком людзі наведвалі свае хаты, — разважае Мікалай Фаміч. — Вяскоўцаў нібы магнітам цягнула ў родны куток».
Калі скончыўся вызначаны тэрмін і пажарным трэбы было вяртацца на радзіму, перш за ўсё ім загадалі зняць новую форму і пакінуць яе на спецыяльным складзе. Прыехаў дадому. На наступны дзень супрацоўніка пажарнай часці чакалі ўжо на службе…
Хаця зараз і не працуе Мікалай Фаміч у роднай часці, дваццаць шостага красавіка па традыцыі зноў прыедзе туды разам з таварышамі, якія таксама добра ведаюць, што такое Чарнобыль. Збяруцца разам, успомняць той час, раскажуць моладзі, каб помніла і засцерагалася. Каб атам быў пад кантролем.
Галіна Жукава.
Премьер-министр Беларуси Роман Головченко вылетел в Арабскую Республику Египет. Как рассказали в пресс-службе правительства, в…
На границе с РФ и Беларусью нужны минные поля, заявил бывший замминистра национальной обороны Вальдемар…
Во время визита в Беларусь египетской военной делегации было подтверждено намерение сторон развивать сотрудничество в…
Ямки на дорогах влияют не только на комфорт езды, но и на безопасность. Нередко из-за…
Дата этого праздника переходящая. Каждый год она меняется в зависимости от дня, на который приходится…
В Беларуси отрабатывается механизм изменения подходов к радиационно опасным землям. Об этом на пресс-конференции рассказал…