У цэнтральнай раённай бібліятэцы прайшло мерапрыемства для маладых людзей з абмежаванымі магчымасцямі аддзялення дзённага знаходжання Тэрытарыяльнага цэнтра сацыяльнага абслугоўвання насельніцтва Чашніцкага раёна. Ім быў прапанаваны экскурс у гістарычнае мінулае Беларусі пад назвай «Беларускія народныя інструменты».
Прысутныя даведаліся, на якіх музычных інструментах ігралі нашы продкі, а якія і сёння гучаць не толькі ў народных, але і ў прафесійных калектывах.
Вось што сабой уяўляе жалейка? А сурма, харум, басэтля? Аб паходжанні гэтых музычных інструментаў ішла гаворка падчас мерапрыемства.
Для вырабу жалейкі, напрыклад, акрамя чароту, выкарыстоўвалі сцябліны спелага жыта. Ад велічыні саломіны залежаў гук. Найбольш трывалымі былі жалейкі з дрэва. А такі цікавы інструмент, як харум, рабіўся са звычайнага гарбуза.
Басэтля — смычковы ансамблевы інструмент, блізкі да віяланчэлі ці кантрабаса. Меў ён розную велічыню і вырабляўся народнымі майстрамі-сталярамі з розных дрэў — яліны, клёна, бярозы, дуба. У вёсках рэдка сустракаліся басэтлі, часцей яны былі ў магнацкіх аркестрах.
Ішла гаворка таксама і пра ліру як адзін з найбольш цікавых па канструкцыі народных струнных інструментаў. Ліру звязвалі з побытам беларускіх лірнікаў-прафесійных жабракоў, якія пад яе гукі выконвалі вершы духоўна-рэлігійнага напрамку. Удасканаленая ліра і сёння гучыць у народных аркестрах, ансамблях народнай музыкі — «Песнярах»,»Харошках» і інш.
Яшчэ адным з найцікавейшых музычных інструментаў мінулага з’яўлялася цытра — струнны шчыпковы інструмент, падобны да гусляў, які выйшаў з ужытку ў сярэдзіне ХХ стагоддзя.
Гаварылі таксама пра цымбалы і скрыпку. Першы з названых — адзін з самых распаўсюджаных шматструнных інструментаў у свеце, а скрыпка — сапраўды народны інструмент. Яна была незаменнай на святах.
А вось самым старажытным струнным шчыпковым інструментам з’яўляецца бандурка — сагнутая ў дугу драўляная палка, канцы якой сцягнуты вяроўкай.
Вядомыя ў народзе былі так званыя шархуны (шаргунцы, шалестуны, шумёлы, бразготкі), якія ўяўлялі сабой набор пустацелых медных шарыкаў розных памераў са шротам унутры, з проразямі па баках і крапёжным вушкам. Іх выраблялі на Беларусі кавалі.
Вялася размова і пра духавы музычны інструмент тыпу флейтавых, які называўся акарына. Вырабляўся ён з гліны, зараз выкарыстоўваецца ў сучасных ансамблях.
Цікавае падарожжа адбылося ў гістарычнае мінулае нашых продкаў. Інфармацыя пра музычную культуру беларусаў была прадстаўлена ў простай, даходлівай форме. Усе прысутныя ўважліва слухалі і ўдзельнічалі ў абмеркаванні розных пытанняў па тэме.
Наталія ШЫРКО.
Белорусы могут бесплатно отправить почтовые карточки ко Дню Победы во время акции "Белпочты". Ко Дню…
С приходом тепла отмечается рост несчастных случаев с детьми по причине выпадения из окон.…
Дорогие жители Чашниччины! Сердечно поздравляем вас со светлым праздником Воскресения Христова. Это великое торжество позволяет…
Реализация инвестиционного проекта позволит создать новые рабочие места, обеспечить прирост налоговых поступлений в районный бюджет.…
В Чашникской детской школе искусств учащиеся всегда с удовольствием принимают участие в музыкальных конкурсах разного…
По многолетней традиции прихожане храма Преображения Господня города Чашники на светлый праздник Пасхи не оставят…