Прыгожым, у святочным убранстве сустракаў горад Глыбокае дзевятнаццаты Дзень беларускага пісьменства. Мноствам разнакаляровых
сцяжкоў і шароў, транспарантаў, безліччу гандлёвых палатак і кіёскаў, сярод якіх віднае месца займалі тыя, што прапанавалі жыхарам
горада і яго шматлікім гасцям друкаваныя выданні самага рознага густу. Яно і зразумела: Глыбокае прымала рэспубліканскае свята
кнігі. Асаблівасцю сёлетняга свята — 2012-ы аб’яўлены Указам Прэзідэнта Рэспублікі Беларусь А. Р. Лукашэнкі Годам кнігі. Сюды, у
Глыбокае, з усёй краіны з’ехаліся вядомыя грамадскія дзеячы, пісьменнікі, прыхільнікі беларускага слова. Горад на пэўны час стаў
своеасаблівай Мекай, цэнтрам культурнага жыцця Беларусі.
Афіцыйнаму адкрыццю 2 верасня Дня беларускага пісьменства папярэднічала некалькі значных і важных падзей з удзелам старшыні
Віцебскага абласнога выканаўчага камітэта А. М. Косінца. Спачатку Аляксандр Мікалаевіч адкрыў сквер знакамітых людзей Глыбоччыны,
падобнага да якога пакуль у Беларусі не было. Сярод вядомых глыбачан — зодчы Іосіф Корсак, заснавальнік беларускага тэатра Ігнат
Буйніцкі, жывапісец, фалькларыст, пісьменнік Язэп Драздовіч, авіяканструктар Павел Сухі і другія.
Захаваць, у тым ліку і сродкам друкаванага слова, створанае папярэднікамі, — наш абавязак, аснова развіцця, руху наперад,
адзначыў губернатар вобласці. А ўжо хвілінамі пазней А. М. Косінец і старшыня Белкаапсаюза С. Дз. Сідзько ўрачыста адкрылі ў
цэнтры Глыбокага адрамантаваны ўнівермаг “Родны кут”.
У цэнтры афіцыйных святочных мерапрыемстваў, зноў жа, была яе вялікасць кніга. Не выпадкова шмат часу галоўнымі дзеючымі
асобамі на сцэне былі кніжкі, як і тое, што вынікі Рэспубліканскага літаратурнага конкурсу на лепшы твор 2012 года з уручэннем
статуэтак “Залаты Купідон” і Дыпломаў падводзіліся менавіта тут, у Глыбокім. Аб ролі кнігі ў жыцці грамадства гаварылі намеснік
прэм`ер-міністра А. А. Тозік, старшыня аблвыканкама А. М. Косінец, Міністры інфармацыі Рэспублікі Беларусь А. В. Праляскоўскі,
адукацыі С. А. Маскевіч і іншыя.
Патрыятычным гучаннем былі напоўнены выступленні народных артыстаў Беларусі Ядзвігі Паплаўскай і Аляксандра Ціхановіча, Пятра
Ялфімава, артгрупы “Беларусы” і іншых.
Сваё адметнае месца на гэтым вялікім свяце мела і Чашніччына. На працягу ўсяго дня шматлюдна было на Чашніцкім падворку.
Асаблівую ўвагу жыхароў і гасцей Глыбокага прыцягвала з густам аформленая выстава друкаваных выданняў, якія расказвалі аб
гістарычным мінулым нашага краю, яго славутых імёнах. Чаго варты кнігі Віктара Грыбко “Іванск і ваколіцы”, “Наша Чашніччына”!..
Побач з выставай кніг месціліся работы нашых знакамітых майстроў — саломапляцельшчыкаў, рэзьбяроў, мастакоў… Менавіта сюды і
спяшаліся жыхары горада і госці, каб набыць памятны сувенір, які, безумоўна, стане добрым упрыгожваннем у любым доме.
Арыгінальным чынам прапанавала свае паслугі ўдзельнікам свята Чашніцкая межрайбаза — побач са столікамі, дзе можна было
падсілкавацца і проста адпачыць, уздоўж усяго Чашніцкага падворка на вялікім палотнішчы — жывыя кветкі, кніжныя старонкі, на якіх
красамоўныя выказванні вядомых пісьменнікаў, паэтаў пра Беларусь, друкаванае слова. Дарэчы былі і выступленні артыстаў мастацкай
самадзейнасці Чашніцкага Дома культуры. Сельпрадукцыю прадставіла і ўпраўленне сельскай гаспадаркі і харчавання.
Міхась ДЗЕРАВЯГА.
Прыгожым, у святочным убранстве сустракаў горад Глыбокае дзевятнаццаты Дзень беларускага пісьменства. Мноствам разнакаляровых сцяжкоў і шароў, транспарантаў, безліччу гандлёвых палатак і кіёскаў, сярод якіх віднае месца займалі тыя, што прапанавалі жыхарам горада і яго шматлікім гасцям друкаваныя выданні самага рознага густу. Яно і зразумела: Глыбокае прымала рэспубліканскае свята кнігі. Асаблівасцю сёлетняга свята — 2012-ы аб’яўлены Указам Прэзідэнта Рэспублікі Беларусь А. Р. Лукашэнкі Годам кнігі. Сюды, у Глыбокае, з усёй краіны з’ехаліся вядомыя грамадскія дзеячы, пісьменнікі, прыхільнікі беларускага слова. Горад на пэўны час стаў своеасаблівай Мекай, цэнтрам культурнага жыцця Беларусі.
Афіцыйнаму адкрыццю 2 верасня Дня беларускага пісьменства папярэднічала некалькі значных і важных падзей з удзелам старшыні Віцебскага абласнога выканаўчага камітэта А. М. Косінца. Спачатку Аляксандр Мікалаевіч адкрыў сквер знакамітых людзей Глыбоччыны, падобнага да якога пакуль у Беларусі не было. Сярод вядомых глыбачан — зодчы Іосіф Корсак, заснавальнік беларускага тэатра Ігнат Буйніцкі, жывапісец, фалькларыст, пісьменнік Язэп Драздовіч, авіяканструктар Павел Сухі і другія.
Захаваць, у тым ліку і сродкам друкаванага слова, створанае папярэднікамі, — наш абавязак, аснова развіцця, руху наперад, адзначыў губернатар вобласці. А ўжо хвілінамі пазней А. М. Косінец і старшыня Белкаапсаюза С. Дз. Сідзько ўрачыста адкрылі ў цэнтры Глыбокага адрамантаваны ўнівермаг “Родны кут”.
У цэнтры афіцыйных святочных мерапрыемстваў, зноў жа, была яе вялікасць кніга. Не выпадкова шмат часу галоўнымі дзеючымі асобамі на сцэне былі кніжкі, як і тое, што вынікі Рэспубліканскага літаратурнага конкурсу на лепшы твор 2012 года з уручэннем статуэтак “Залаты Купідон” і Дыпломаў падводзіліся менавіта тут, у Глыбокім. Аб ролі кнігі ў жыцці грамадства гаварылі намеснік прэм`ер-міністра А. А. Тозік, старшыня аблвыканкама А. М. Косінец, Міністры інфармацыі Рэспублікі Беларусь А. В. Праляскоўскі, адукацыі С. А. Маскевіч і іншыя.
Патрыятычным гучаннем былі напоўнены выступленні народных артыстаў Беларусі Ядзвігі Паплаўскай і Аляксандра Ціхановіча, Пятра Ялфімава, артгрупы “Беларусы” і іншых.
Сваё адметнае месца на гэтым вялікім свяце мела і Чашніччына. На працягу ўсяго дня шматлюдна было на Чашніцкім падворку.
Асаблівую ўвагу жыхароў і гасцей Глыбокага прыцягвала з густам аформленая выстава друкаваных выданняў, якія расказвалі аб гістарычным мінулым нашага краю, яго славутых імёнах. Чаго варты кнігі Віктара Грыбко “Іванск і ваколіцы”, “Наша Чашніччына”!.. Побач з выставай кніг месціліся работы нашых знакамітых майстроў — саломапляцельшчыкаў, рэзьбяроў, мастакоў… Менавіта сюды і спяшаліся жыхары горада і госці, каб набыць памятны сувенір, які, безумоўна, стане добрым упрыгожваннем у любым доме.
Арыгінальным чынам прапанавала свае паслугі ўдзельнікам свята Чашніцкая межрайбаза — побач са столікамі, дзе можна было падсілкавацца і проста адпачыць, уздоўж усяго Чашніцкага падворка на вялікім палотнішчы — жывыя кветкі, кніжныя старонкі, на якіх красамоўныя выказванні вядомых пісьменнікаў, паэтаў пра Беларусь, друкаванае слова. Дарэчы былі і выступленні артыстаў мастацкай самадзейнасці Чашніцкага Дома культуры. Сельпрадукцыю прадставіла і ўпраўленне сельскай гаспадаркі і харчавання.
Міхась ДЗЕРАВЯГА.