Напярэдадні 8 Сакавіка ў Кашчынскім культурна-спартыўным цэнтры адбылося досыць цікавае мерапрыемства. Для прадстаўніц цудоўнай паловы чалавецтва зладзілі спартландыю. Арганізавалі свята спорту і здаровага ладу жыцця мясцовыя культработнікі, Кашчынская школа і Новазаранскі сельвыканкам. Жанчынам давялося прадэманстраваць свае лепшыя якасці, каб годна вытрымаць шматлікія конкурсы. Трэба адзначыць, што ўдзельніцы на спартыўнай пляцоўцы не разгубіліся і да апошняга вялі барацьбу за агульную перамогу.
На старт выйшлі дзве каманды. У складзе першай – жыхаркі аграгарадка. Назву сабе прыдумалі арыгінальную – “Півоні”. З іншага боку – калектыў работніц Кашчынскай школы. Удзельніцы павіталіся, пажартавалі крыху ў так званых візітоўках – і пачалі змагацца ў кожным асобна ўзятым конкурсе. Усяго іх было дванаццаць. У асноўным розныя эстафеты. Перамагала то адна, то іншая каманда. Нават часам здавалася, што ў гонар свята справа дойдзе да класічнай у такіх выпадках нічыёй. Але ж жанчыны так захапіліся, што без перавагі аднаго з калектываў было ўжо не абысціся. Ды і публіка, якая падтрымлівала спартсменак, патрабавала вырашальнай перамогі.
Так і здарылася. Апошнім відам быў канат. І канчатковую перамогу здабылі менавіта ў гэтым спаборніцтве “Півоні”. Перацягнулі вікторыю на свой бок. Інакш і не скажаш.
Эмацыйнымі атрымаліся старты ў Новай Зарэ. У канцы пераможцы атрымалі заслужаныя прызы. Без падарункаў не засталіся і прадстаўніцы іншай каманды. Давольнымі ў выніку засталіся ўсе. Спартландыя ў будучым абавязкова зноў пакліча. І не толькі жанчын. Моцная палова таксама здольная прадэманстраваць свае ўменні. Было б жаданне. А добрая нагода заўсёды знойдзецца.
Юрась АЛЕКСАНДРОВІЧ
На здымку: 8 Сакавіка ў Кашчынскім культурна-спартыўным цэнтры адзначылі належным чынам.
Спасатели МЧС на 100 процентов убеждены, безопасность начинается с самого детства! Поэтому на постоянной основе…
На государственной границе между белорусской и польской сторонами прошла операция по обмену задержанными лицами по…
Ежегодно работники МЧС среди основных причин возгораний в природных экосистемах выделяют неосторожное обращение с огнём…
Помните о безопасности на мероприятиях с массовым пребыванием людей Сегодня, а особенно в мегаполисах, люди…
В суете повседневной жизни мы часто забываем о самых базовых аспектах безопасности. Между тем, простой…
Приближается одна из самых значимых и важных дат для нашей страны – День Победы. О…