Экскурс у гісторыю

 На працягу месяца супрацоўнікі музея ЛДРЭС і Новалукомльскай дзіцячай бібліятэкі цесна ўзаемадзейнічаюць. Яны наладжваюць цікавыя экскурсіі для дзяцей з вясковых школ розных раёнаў вобласці. Такіх прайшло ўжо больш  30. Многія прыязджаюць па некалькі разоў. Так, у Новалукомлі пабывалі школьнікі з Лепеля, Ушачаў, Глыбокага і іншых куткоў Віцебшчыны.  Пад час экскурсіі вучні нібы адпраўляюцца ў краязнаўчае падарожжа «Карані мінуўшчыны далёкай», дзе знаёмяцца з гісторыяй Лукомля і Лукомльскага княства, стварэння Новалукомля, будаўніцтва  ЛДРЭС. Больш за ўсё школьнікаў уражвае  флагман беларускай энергетыкі. 
 Экскурсіі суправаджаюцца паказам кіначасопіса «Легенда зямлі лукомльскай». Здзейсніць гэта ўдаецца дзякуючы мультымедыйнаму цэнтру. Падарунак райвыканкама прыйшоўся дарэчы.
Наталля СТУКАЛАВА.