Надзённы клопат хлебаробаў
На календары канец ліпеня — асабліва напружаны час для вяскоўцаў. Сярод мноства клопатаў усё ж галоўны – пра хлеб. Жніво на Чашніччыне ў самым разгары. Зарадзіўшыя некалькі дзён запар дажджы, вядома, унеслі пэўныя карэктывы ў ход уборачных работ. І цяпер, калі надвор’е спрыяе хлебаробам, найпершая задача — максімальна выкарыстаць кожную пагодлівую хвіліну, каб убраць збожжа ў сціслыя тэрміны і без страт.
Па звестках расельгасхарчу, на раніцу ўчарашняга дня ў цэлым па раёне збожжавыя і зернебабовыя былі ўбраныя на плошчы 3 582 гектары, што складае 19,7 працэнта ад запланаванага. Лідэрам хлебаўборачнай кампаніі з’яўляецца адкрытае акцыянернае таварыства «Палац працы-Агра», дзе на згаданую дату абмалацілі збажыну на 568 гектарах (36,3 працэнта ад неабходнага). У параўнанні з мінулым годам на гэтую ж дату гаспадарка мае самы высокі плюс у раёне.
«Палац працы-Агра» і КУСГП «Чашніцкае» першымі ў раёне намалацілі па тысячы тон зерня. Сёння такі намалот маюць 4 гаспадаркі. Акрамя згаданых, «Проземле-Агра» і «Іванскі-Агра». Найбольшы ён агульны пакуль у «Чашніцкім» — амаль дзве тысячы.
Па ўраджайнасці першым ідзе ААТ «Іванскі-Агра». Тут збіраюць па 39,4 цэнтнера на круг. Крыху меней у «Чашніцкім» і «Палац працы-Агра».