Свята роднай мовы
Цэнтральная раённая бібліятэка працуе па мэтавай праграме “Давай ганарыцца, што мы — беларусы!”. У сувязі з гэтым супрацоўнікі ўстановы надаюць асаблівую ўвагу патрыятычнаму выхаванню моладзі, адукацыі па пытаннях гісторыі, нацыянальнай культуры, ідэалогіі нашай краіны.
У рамках гэтай праграмы прайшла гульня-віктарына “Таямніцы беларускіх слоў”, якая была прымеркавана да Міжнароднага дня роднай мовы. Галоўнымі ўдзельнікамі мерапрыемства сталі вучні 10 класа СШ №1 райцэнтра. Бібліятэкары цікавіліся ў школьнікаў веданнем гісторыі беларускага пісьменства, запазычаных слоў, лічэбніка. Самым займальным аказаўся конкурс беларускіх прыказак. Кожнаму ўдзельніку неабходна было паказаць іх пантамімай, а астатнія павінны былі адгадаць. Атрымалася вельмі пазнавальна і весела.
Завяршылася гульня-віктарына падвя- дзеннем вынікаў і ўручэннем прызоў.
Наталля СТУКАЛАВА.
