Флораўцы — выдатныя артысты
І гэта яны даказалі на чарговым пасяджэнні народнага клуба “Флора”. Калектывам была зроблена пастаноўка казкі-перадзелкі “Курачка раба”. Мерапрыемства прымеркавалі да Года культуры. Прысутныя з задавальненнем паглядзелі пастаноўку і атрымалі зарад станоўчага настрою, бодрасці. Стаўшы на пэўны час акцёрамі, гаспадыні, агароднікі, кветкаводы па–майстэрстку, з уласцівым ім пачуццём гумару выконвалі свае ролі. А потым з добрым настроем прыняліся за абмеркаванне шэрагу пытанняў, запланаваных на час пасяджэння. Было што расказаць, чым падзяліцца. Як рыхтаваць насенне да пасадкі, чым падкарміць расаду, калі лепш высадзіць у цяпліцу, адкрыты грунт? У кожнага за доўгі час працы на прысядзібных участках накапіўся вопыт вырошчвання расады. Прымяненне пачутага дазволіць без страт вырасціць экалагічна чысты і багаты ўраджай на сваіх сотках і захаваць яго.
Тамара ЯЗЁНАК.
