З жартамі, блінамі ды аладкамі ў мінулы чацвер ветэраны Лукомльскай ДРЭС святкавалі Каляды. Дакладна кажучы, для іх быў арганізаваны конкурс народнай і абрадавай песні «Каляды-2018».
Мерапрымства праводзіцца ўжо некалькі гадоў запар. Яго арганізатары — актыў савета ветэранаў — лічаць, што нельга забываць традыцыі продкаў. І асабліва важна стварыць для прысутных душэўную атмасферу ўтульнага каляднага вечара, знаёміць з гісторыяй беларускай культуры.
Святочнасці падзеі надавала ўбранства залы. Выстава незвычайных вырабаў, вышыўка, найпрыгажэйшыя кандэлябры. Нават на вокнах была створана зімовая казка. На сталах — багацце нацыянальных страў: некалькі відаў куцці, кілбасы, бліны, дранікі, аладкі…
У госці да ветэранаў прыйшлі намеснік старшыні прафсаюзнага камітэта ЛДРЭС С. В. Рыбалка, старшыня ветэранскай арганізацыі горада энергетыкаў Г. М. Хацкевіч, а таксама актывісты пярвічнай арганізацыі ГА «БРСМ» электрастанцыі.
У пачатку конкурсу вядучыя, бабуля з унучкай, расказалі пра народныя традыцыі святкавання Калядаў. А затым запрасілі на імправізаваную сцэну канкурсантаў. Абрадавыя песні выканалі ветэраны флагмана Генадзь Дзянісавіч Кузнечык, Марыя Васільеўна Лукашэвіч, Аляксандр Уладзіміравіч Прышчэп. Свой верш прачытала Ніна Уладзіміраўна Скачко. Выступленні былі падрыхтаваны на дастакткова высокім узроўні. Таму журы вырашыла ўсіх аб’явіць пераможцамі і ўзнагародзіць дыпломамі і салодкімі прызамі.
Затым прысутныя даведаліся, што такое куцця. А крыху пазней змаглі прадэгуставаць тры віды гэтай нацыянальнай стравы.
Сустракалі, як водзіцца, і калядоўшчыкаў. Конь, цыган, цыганка, каза, баба і дзед завіталі ў гэты вечар на свята. І пачалося! Варажба, песні, танцы, жарты, гульні. Напрыканцы нават з’явіўся сам чорт!
А пасля ўсіх запрасілі да святочнага стала.
Варвара ЮРКЕВІЧ.
Белорусы привыкли трудиться, поэтому лозунг "Мир! Труд! Май!" не теряет своей актуальности и сейчас. Первого…
В прошлом году Кащинской средней школе было присвоено имя Героя Советского Союза Мартына Акимовича Сурина.…
3 мая 2024 года с 9.00 до 11.00 по тел. 4-23-62 — с временно исполняющим…
Президент Беларуси Александр Лукашенко поздравил соотечественников с Праздником труда. "Белорусский народ во все времена славился…
Комитет государственного контроля Витебской области обеспечил принятие дополнительных мер по приведению отдельных объектов улично-дорожной сети…
Воспитанию подрастающего поколения, работе с молодежью в стране придается особое значение. Это – важные инвестиции…