Мова народа — яго святыня

Кожны год  у Новалукомльскай гарадской бібліятэцы ладзяцца святы, разнастайныя выставы, прысвечаныя роднай мове. Не так даўно тут  праходзіў тыдзень адчыненых дзвярэй «Мова народа — яго святыня». Прымеркавана мерапрыемства было да Міжнароднага дня роднай мовы.

У межах тыдня ў чытальнай зале бібліятэкі была аформлена выстава «Песняры зямлі беларускай». У якасці экспанатаў  — кнігі  класікаў беларускай літаратуры.

Для вучняў 9 «А» класа СШ № 2 арганізавалі літаратурны калейдаскоп «Роднай мовы пералівы», пад час якога гучалі на  беларускай мове вершы, песні, прыказкі, прымаўкі. Вучняў пазнаёмілі з цікавымі фактамі  з гісторыі развіцця мовы. На працягу сустрэчы школьнікі вучыліся правільна размаўляць па-беларуску.

Таксама супрацоўнікамі абанемента была арганізавана выстава кніг «Вобразная, вольная, пявучая мова беларуская мая!». Былі прадстаўлены творы беларускіх аўтараў.

За 2017 год Новалукомльскую гарадскую бібліятэку наведалі 27 249 чытачоў. Супрацоўнікамі  было праведзена 124 мерапрыемствы, на якіх прысутнічалі 3884 чалавека.

 Варвара ЮРКЕВІЧ.