Хрыстос нарадзіўся – Бог аб’явіўся!

 24 снежня на змярканні ў кожным каталіцкім доме рыхтуецца вілігійная вячэра. На яе збіраецца ўся сям’я, каб перажыць вялікую радасць, якую прынесла людзям гэтая ноч, вітаць нованароджанага Езуса. 

Ён нарадзіўся ў беднай стайні, бо не знайшлося месца ва ўтульнай гасціне.
Задумаемся, а ці ёсць месца Богу ў нашым сэрцы, ці адкрытыя мы на патрэбы іншых людзей. Пачуйце сёння стук маленькага Хрыста, адчыніце Яму дзверы свайго сэрца, напоўніце ix цярплівасцю i міласэрнасцю. I тады будуць у вас моцныя сем’і, павага i сумленнасць на працы.
Езус прыйшоў да ўcix людзей, i ўсе мы хоць i належым да розных хрысціянскіх супольнасцяў, верым у аднаго Збаўцу, які нарадзіўся з Дзевы Maрыi ў Бэтлееме, i вызнаем тую самую веру ў Богаўцелаўленне. Наша супольнае імя – хрысціянін паходзіць ад Хрыста – нашага Збаўцы. Таму i нашы вера i радасць – супольныя.
Паважаныя парафіяне i ўсе жыхары Чашніцкага раёна!
Жадаю вам цудоўнага перажывання свята Божага Нараджэння. Няхай гэтая святочная радасць паселіцца ў вашых дамах, месцах вучобы i працы, а Божае Дзіцятка адорвае кожнага з вас шчасцем, здароўем, супакоем, надзеяй, узмоцніць у веры. І таксама шчыра жадаю шчаслівага Новага 2020-га года!

Святыя Імшы ў касцёле ў Чашніках адбудуцца 24 снежня ў 19.00, 25 снежня ў 10.00. У касцёле ў Новалукомлі – 24 снежня у 22.00, 25 снежня ў 12.00.

Ксёндз Мікалай ЛІПСКІ, пробашч чашніцкага i новалукомльскага касцёлаў.