Падрыхтоўка да 480-годдзя з дня нараджэння нашага славутага земляка Васіля Цяпін-скага вядзецца поўным ходам. Вось і на чарговай нарадзе ў намесніка старшыні райвыканкама І. Ф. Сыроўчанкі ў мінулы чацвер перш за ўсё абмеркавалі тое, што зроблена за папярэднія сем дзён.
Адзначым, што на гэты час фестываль «Цяпінскі фэст» мае свой лагатып. На ім, па словах яе аўтара мастака-афарміцеля Палаца культуры г. Новалукомля Сяргея Лебедзева, бачым нібыта сонейка, ад якога ва ўсе бакі разыходзяцца быццам промні, якія дораць свет і цяпло. У сярэдзіне круга – вялікае Т – першая літара прозвішча Цяпінскага. Усё гэта разам сімвалізуе тое святло, якое несла перакладчыцкая і друкарская дзейнасць слыннага земляка, адлюстроўвае важнасць і значнасць асветніцкай працы нашага Васіля.
На здымку, які змешчаны на майцы і бейсболцы, Васіль Цяпінскі з кнігаю ў руках, што адлюстроўвае накірунак дзейнасці Васіля як прадаўжальніка гуманістычных і культурна-асветніцкіх традыцый Францыска Скарыны. На заднім плане яго злева і справа таксама яе вялікасць Кніга – і на друкарскім станку, і вялікім накладам у руках беларусаў – аб чым марыў вялікі гуманіст.
Дарэчы сказаць і пра тое, што Тэрытарыяльным цэнтрам сацыяльнага абслугоўвання насельніцтва Чашніцкага раёна наладжана платная паслуга па выкананні сублімацыйнага друку на адзенні і розных прадметах са здымкам Васіля Цяпінскага, што будзе саграваць успамінам пра родную зямлю, стане добрым падарункам родным, блізкім, знаёмым. Каштаваць такая бейсболка будзе 12,11 рубля, футболка з аднабаковым друкам – 15,66, двухбаковым – 19,61 (дзіцячыя 14,98 рубля і 18,93 адпаведна). Кошт кубка – 7,5 рубля, талеркі –13,87. Пазнаёміцца з узорамі прадукцыі і зрабіць заказ можна па вуліцы Кастрычніцкай, 18 (кабінет 3) у Чашніках. Заказаць паслугу можна і па элетроннай пошце GUTCSON@yndeks.by ці па факсе 6-07-19.
Сельскім і Новалукомльскаму гарадскому выканаўчым камітэтам, кіраўнікам прадпрыемстваў, устаноў і арганізацый неабходна распрацаваць план работы падворкаў і тэматычных пляцовак, прадугле-дзеўшы збор матэрыялаў і мастацкае афармленне, райкаму ГА «БРСМ» – па арганізацыі фаер шоу.
Міхаіл ДЗЕРАВЯГА.
Пожар произошел 5 мая. Спасателям поступило сообщение, что горит дом на улице Придвинской в деревне…
В Витебской области матпомощь ко Дню Победы получат 1846 человек, сообщила в проекте БЕЛТА "Страна…
В Парке Бессмертия прошел районный этап Республиканской спортивно-патриотической игры «Зарница». В ней приняли участие 5 команд…
Двери Беларуси открыты для проведения на ее территории переговоров по Украине. Все зависит от политической…
Белорусы могут бесплатно отправить почтовые карточки ко Дню Победы во время акции "Белпочты". Ко Дню…
С приходом тепла отмечается рост несчастных случаев с детьми по причине выпадения из окон.…