Хрысціянам, якія святкуюць Вялікдзень 17 красавіка 2022 г.

Хрысціянам, якія святкуюць Вялікдзень 17 красавіка 2022 г.

Дарагія жыхары Чашніцкага раёна!

Сардэчна віншуем вас з Вялікаднем!

Гэта свята прыходзіць да нас у цудоўны перыяд веснавога абнаўлення. Падобна да таго, як пад сонцам абуджаецца зямля, так і ў светлыя велікодныя дні вернікі адчуваюць асаблівы духоўны ўздым і імкненне рабіць дабро.

Велікодная ўрачыстасць мае асаблівую прыцягальную энергію, якая заклікае духоўна ўдасканальвацца, ажыццяўляць высакародныя памкненні, захоўваць мір у душы, сярод блізкіх, на роднай зямлі. Узнёслая радасць Уваскрэсення Хрыста прыносіць згоду і надае сілы атульваць клопатам і міласэрнасцю тых, хто мае патрэбу ў спачуванні і дапамозе.

Няхай святло гэтай урачыстасці напоўніць вас чыстымі думкамі і натхніць на новыя пачынанні і добрыя справы, падорыць цяпло, асвеціць верай і ўмацуе духоўныя і маральныя асновы.

Шчыра жадаем вам моцнага здароўя, поспехаў, шчасця і дабрабыту!

 

 

З павагай,

А. П. Быкаў,

старшыня Чашніцкага раённага

выканаўчага камітэта

 

А. Д. Косаў,

старшыня Чашніцкага раённага

Савета дэпутатаў

Поделиться в: