Школьники Чашникской гимназии приняли участие в велопробеге по местам боевой славы района

У наш няпросты час, калі вакол нашай краіны неспакойна, а за паўднёвай мяжой фактычна ідзе вайна, нам не хапае дасканалага ведання свайго мінулага, сваёй гісторыі, бо, як пісаў Уладзімір Караткевіч, «Народ, які забыўся на сваё мінулае, будзе вымушаны перажыць яго яшчэ не раз!»

Добра, што ў нашай краіне прыкладаюцца шматлікія намаганні, каб такога не адбылося і цудоўна, што работа вядзецца ў першую чаргу з моладдзю.

Так, у рамках рэспубліканскай акцыі «Маршрутамі памяці. Маршрутамі перамогі» група вучняў 11 класа ДУА «Чашніцкая гімназія» пад кіраўніцтвам настаўніцы гісторыі Ірыны Бачковай здзейсніла велапрабег па месцах баявой славы. Маршрут быў пабудаваны так, каб вучні прайшлі шляхамі вызвалення нашага раёна з самага пачатку да дня, калі раён быў вызвалены цалкам. Трэба адзначыць, што маршрут для вучняў новы, яго прадумвала сама настаўніца яшчэ ў канцы навучальнага года, а здзейсніць падарожжа вучні змаглі пад час летніх канікул. Так, вучні наведалі 10 помнікаў загінуўшым пад час ВАв. Каля кожнага помніка пры дапамозе QR-кода прачыталі гісторыю падзей, якім прысвечаны помнікі. Настаўніца дапоўніла прачытанае цікавымі заўвагамі пра ход вызвалення нашага раёна.

Так, з карысцю не толькі для сябе, але і для агульнай справы, маладое пакаленне правяло свае канікулы. Вось яно грамадзянска-патрыятычнае выхаванне моладзі на справе, такая моладзь мае права на шчаслівае заўтра.

Валянціна ПРЫШЧЭПАВА