У цэнтральнай раённай бібліятэцы працуе незвычайная выстава, на якой прадстаўлена калекцыя закладак, што засталіся ў кнігах пасля таго, як іх вярнулі карыстальнікі ў бібліятэку.
Арганізаваць такую выставу супрацоўнікаў установы натхніла вялікая колькасць «кніжных» знаходак. Насамрэч, іх столькі, што месца не хапае для поўнай экспазіцыі. Сярод звычайных папяровых «фанцікаў» ад цукерак, шакаладу ёсць розныя этыкеткі, праспекты, тэатральныя праграмы, старонкі перакіднога календара, папяровыя грошы, тэрмін дзеяння якіх зышоў, шмат іншага. Можна знайсці сярод гэтага скарбу нават фотаздымкі. Бібліятэкары аб’явілі пошук іх аўтараў, каб вярнуць такія «эксклюзіўныя дакументы». І зусім не дзіўна, калі дзеці, што на фота, ужо даўно дарослыя. Такая вось гісторыя сярод кніжных старонак. На століку раскладзены паштоўкі — з днем нараджэння, з Новым годам, скарыстаныя білеты на розныя мерапрыемствы, нататкі, чыйсьці праязны білет, а вось пластыкавая картка на права зніжкі ў спецыялізаванай краме. Гэтая выстава нібы люстэрка жыцця гаспадароў пакінутых рэчаў. Карыстальнікі бібліятэкі прыходзілі сюды, бралі кнігі, чыталі, і вось тут, праз шмат гадоў, іх лёсы нібы перакрыжаваліся. Супрацоўнікі адзначаюць, што калекцыю збіралі некалькі год, і вось зараз вырашылі прадэманстраваць усё, што знойдзена.. Нездарма выстава называецца «Забытае сярод старонак». Хтосьці, мабыць, пазнае сваю рэч і вернецца думкамі ў мінулае. Выстава вельмі цікавая для наведвальнікаў рознага ўзросту.
Наталія ШЫРКО
Кормовая база — фундамент успешного молочного животноводства. В ОАО «Проземле-Агро» к ее созданию подходят с…
Доступно, наглядно и эмоционально – так проходят занятия на базе центра профилактики «Альтернатива» в городе…
Летний водоем – прекрасное место для отдыха, но вода не прощает беспечности. МЧС напоминает: большинство…
В летнем лагере средней школы №4 г. Чашники прошла вдохновляющая встреча в рамках республиканской акции…
11 июня лагерь «Чайка» посетила хореограф Наталья Николаевна Томашева-Стаин! Встреча в рамках акции «Шаг к…