Выбарчая кампанія выйшлана фінішную прамую. Што чакае ў канцы дыстанцыі, залежыць ад кожнага жыхара краіны. З прапановай падзяліцца сваімі разважаннямі наконт выбараў мы звярнуліся да дэпутата Чашніцкага раённага Савета дэпутатаў, намесніка па вучэбнай рабоце Чашніцкай гімназіі Кацярыны Сабалеўскай.
— Кожны чалавек перыядычна ў жыцці трапляе ў сітуацыю выбару. Ён вагаецца, не ведаючы, як быць далей. Прычыны сумневу часцей у немагчымасці прыняць рашэнне, спрагназаваць вынікі. Іншая сітуацыя, калі выбар абумоўлены грамадзянскай пазіцыяй, якая павінна быць у кожнага жыхара краіны. Звычайна яна сугучная з курсам, якім крочыць дзяржава. Ты нарадзіўся на гэтай зямлі, вырас, як кажуць, з малаком маці ўвабраў кропелькі, з якіх і складаецца нацыянальны менталітэт. Я б удакладніла – партрэт беларуса.
Менавіта зараз наспеў час выказаць сваю грамадзянскую пазіцыю, прыняўшы ўдзел у выбарах Прэзідэнта Рэспублікі Беларусь. Гэта, без перабольшвання, лёсавызначальная падзея ў жыцці ўсіх грамадзян нашай краіны. Застацца ў баку, лічу, недапушчальна і недаравальна. Прачытала, што згодна праведзенага сацапытвання, у выбарах Прэзідэнта збіраецца прыняць удзел 85,5% апытаных. Незразумелая пазіцыя астатніх 14,5%, хто ўтрымаўся ці ўвогуле не збіраецца гэтага рабіць. Вось яна тая самая абыякавасць. Радуе, што неабыякавых нас намнога больш. Гэта сапраўдныя грамадзяне сваёй краіны, якія выказваюць непадробную цікавасць да курса сваёй краіны. І выбары — цудоўная мажлівасць згуртавацца, унесці сваю цаглінку ў будынак будучыні Беларусі, выказаць падтрымку годнаму кандыдату. Калі яшчэ хтосьці вагаецца, у перавагу якога кандыдата аддаць свой голас, хочацца параіць паглядзець на заходніх і паўднёвых краін-суседак. А яшчэ хочацца сказаць: «Азірніцеся назад: што было і што стала». Стабільнае развіццё эканомікі, міралюбівая палітыка даюць упэўненасць у заўтрашнім дні. Ад дабра дабра не шукаюць. Галоўнае — памятаць, што ад кожнага непасрэдна залежыць, якім будзе лёс асабісты і адпаведна нашай Радзімы.
Валянціна ПРЫШЧЭПАВА
Кормовая база — фундамент успешного молочного животноводства. В ОАО «Проземле-Агро» к ее созданию подходят с…
Доступно, наглядно и эмоционально – так проходят занятия на базе центра профилактики «Альтернатива» в городе…
Летний водоем – прекрасное место для отдыха, но вода не прощает беспечности. МЧС напоминает: большинство…
В летнем лагере средней школы №4 г. Чашники прошла вдохновляющая встреча в рамках республиканской акции…
11 июня лагерь «Чайка» посетила хореограф Наталья Николаевна Томашева-Стаин! Встреча в рамках акции «Шаг к…