Хата ўпрыгожана саматканымі ручнікамі і дыванамі. Ва ўсім адчувалася працавітая рука гаспадыні. Нават падчас свята яна не сядзела склаўшы рукі, а завіхалася ля печы. Прыемна патрэсквалі ў печы дровы, зачароўвала полымя.
Ва ўсе часы печ займала галоўнае месца ў вясковай хаце. У ёй пяклі хлеб, гатавалі ежу, на ёй спалі, сушылі вопратку і абутак. Нават радыкуліт лячылі. Пра яе ў народзе шмат прыказак, прымавак і загадак.
Для гаспадыні Галіны Сцяпанаўны печ – добрая памочніца, якая не ідзе ў параўнанне з моднымі зараз мульціваркамі і параваркамі. Маміны стравы, прыгатаваныя ў печы, любяць чатыры сыны, падабаюцца яны і ўнукам, а іх у жанчыны сямёра.
Падчас свята добрыя словы гучалі не толькі ў адрас гаспадыні. Пахвалы заслужыў і вядомы майстар-пячнік, які славіцца на ўсю ваколіцу – старшыня Красналуцкага сельвыканкама В. В. Кавалеўскі. Шмат сяльчан звярталася да яго за дапамогай, і ні адзін яшчэ не скардзіўся на яго работу. Майстар з задавальненнем падзяліўся сакрэтамі свайго рамяства.
Весела і цікава праходзіла свята печы. Гучалі беларускія народныя песні “Ажаніўся стары дзед”, “Чорна галка”, “Каля млына”. Прысутныя з задавальненнем прымалі ўдзел у гульні “Вугалёк”, танцавалі, спявалі. Не абышлося свята без пачастункаў. Галіна Сцяпанаўна Пракапец напякла ў сваёй печы духмяных і румяных сырнікаў. Пасля такой вячэры госці пажадалі гаспадыні здароўя, багацця.
Завяршылася свята душэўнай песняй-пажаданнем “Бывайце здаровы”.
Вось так весела і дружна бавілі вольны час нашы продкі. А каб трапіць на свята, дастаткова было пераступіць парог хаты.
Наталля СТУКАЛАВА.
В Чашникском районе население привлекают к занятиям спортом и активному образу жизни. Сегодня на стадионе…
Помощником депутата Палаты представителей Национального собрания Республики Беларусь по Лепельскому избирательному округу № 23 восьмого…
В Беларуси с 1 июля 2024 года вводится обязанность для всех индивидуальных предпринимателей предоставлять налоговые…
Бухгалтерия: 8(02133) 6-06-86, факс 6-06-23; главный ветеринарный врач: 8(02133) 6-06-47; ветврачи: 8(02133) 6-06-67; диагностическая лаборатория,…
Замечательные стихотворения, посвященные весне, добру и Воскресению Христа, звучали в стенах Чашникского районного центра детей…
В семье Хлусовых из райцентра спорт является неотъемлемой частью жизни. Физические упражнения и активный образ…