7 студзеня 1964 года не стала нашага земляка, беларускага настаўніка і паэта Янкі Журбы (Івана Івашына). Нарадзіўся ён ў вёсцы Купніна (ля льнозавода) Лепельскага павета (цяпер Чашніцкі раён) у сялянскай сям’і.
У 1902 годзе скончыў Полацкую настаўніцкую семінарыю. Настаўнічаў на Віцебшчыне. Пасля заканчэння Глухаўскага настаўніцкага інстытута (Чарнігаўская губерня) працаваў выкладчыкам у гарадскіх і пачатковых вучылішчах Украіны, Беларусі, Расіі, у навукова-педагагічнай камісіі Наркамасветы БССР, інспектарам Бабруйскага, затым Калінінскага акруговых аддзелаў народнай асветы, выкладчыкам у Чэрыкаўскай сямігадовай школе, у Магілёўскім медыцынскім вучылішчы.
У 1934 годзе пераехаў у Мінск і працаваў у Інстытуце мовазнаўства АН БССР. З-за хваробы вачэй быў змушаны пакінуць працу. З 1941 года і пасля вайны жыў у Чашніцкім раёне, быў настаўнікам музыкі і спеваў у пачатковых класах. Жыў у вёсцы Слабада, апошнія гады правёў у доме састарэлых у Полацку.
Творчы шлях пачаў у 1902 годзе. Друкаваў этнаграфічныя нарысы ў газеце «Витебские губернские ведомости». Першы верш на беларускай мове апублікаваў у 1909 годзе ў газеце «Наша ніва». Аўтар зборнікаў паэзіі «Заранкі», «Ясныя шляхі», «Вершы», «Роднае», «Мая песня» і кніжак для дзяцей «Ластаўкі», «Сонечная раніца», «Светлыя дні» і іншых.
Пераклаў на беларускую мову раман Ф. Дастаеўскага «Бедныя людзі».
На зямлі, дзе нарадзіўся і доўгі час жыў Іван Івашын, памяць яго ўвекавечана. Дзіцячая бібліятэка райцэнтра носіць імя славутага земляка. Ёсць у Чашніках і вуліца Янкі Журбы.
Наталля СТУКАЛАВА.
Во время визита в Беларусь египетской военной делегации было подтверждено намерение сторон развивать сотрудничество в…
Дата этого праздника переходящая. Каждый год она меняется в зависимости от дня, на который приходится…
В Беларуси отрабатывается механизм изменения подходов к радиационно опасным землям. Об этом на пресс-конференции рассказал…
В Чашникском филиале ОУП «Витебскоблтоп» знают, как завоевать и сохранить доверие потребителей, ведь качество товара…
Команда учащихся средней школы №4 г. Чашники под руководством педагога Игоря Залесского приняла участие в…
В седьмой раз в Минске прошло Всебелорусское народное собрание. Это стало важнейшим политическим событием года…