29 мая 2021 г. плануецца правядзенне фестывалю, прысвечанага нашаму знакамітаму земляку, гуманісту, асветніку і пісьменніку Васілю Цяпінскаму. Мерапрыемства абяцае быць насычаным, пазнавальным, яркім і цікавым. Падрыхтоўка да яго вядзецца даўно і па розных напрамках.
Адзначым, што ўдзельнікам яго можа стаць любы жадаючы. Можна падаць заяўку на ўдзел у творчых, займальных конкурсах, вынікі якіх будуць падведзены ў дзень фестывалю. Сцэнарый свята распрацаваны, вядуцца рэпетыцыі.
Фестываль пачнецца з касцюміраванага шэсця-паказу «Гісторыя майго краю». Удзельнікі прадэманструюць касцюміраваныя вобразы вядомых і знакамітых гістарычных дзеячаў, звязаных з гісторыяй нашага рэгіёна. Для ўдзелу ў касцюміраваным шэсці неабходна падаць заяўкі да 12 мая 2021 года на электронны адрас Чашніцкага раённага метадычнага цэнтра культуры і народнай творчасці ці па тэл. 3-32-13.
У час святочных мерапрыемстваў на бібліятэчнай пляцоўцы адбудзецца ўзнагароджванне пераможцаў адкрытага раённага конкурсу самадзейных чытальнікаў і паэтаў «100 радкоў любовi да малой Радзiмы». Да ўдзелу ў конкурсе запрашаюцца творчыя людзі Чашніцкага раёна, Віцебскай вобласці, з другіх абласцей Рэспублікі ва ўзросце ад 7 гадоў і старэйшыя. Заяўкі прымаюцца з 20 сакавіка да 10 мая па адрасе: вул. Міра, 26, ад-дзел бібліятэчнага маркетынгу ці па тэл. 4-21-74.
Зараз праводзіцца онлайн-конкурс чытальнікаў «Табе, мой краю родны…», больш падрабязна з палажэннем яго можна азнаёміцца на сайце Чашніцкай цэнтралізаванай бібліятэчнай сістэмы.
Падчас фестывалю адбудзецца цырымонія ўзнагароджвання пераможцаў конкурсу «Уся справа ў капелюшы», які праводзіцца з 20 сакавіка па 22 мая. У ім могуць прыняць удзел арганізацыі і прадпрыемствы, члены творчых калектываў і аб’яднанняў без узроставых абмежаванняў. Мяркуецца паказаць больш за 20 работ. Бу-дзе цікава! Конкурсныя работы збіраюцца ў аддзеле бібліятэчнага маркетынгу.
У рамках фестывалю таксама ўбачым выставу лепшых работ па стварэнні герба роду Васіля Цяпінскага. Будзе ўручаны прыз глядацкіх сімпатый – за лепшы герб па меркаванні наведвальнікаў свята. Заяўкі на ўдзел прымаюцца з 20 сакавіка па 19 мая, работы трэба прыносіць у Чашніцкі гістарычны музей па адрасе: г. Чашнікі, вул. Савецкая, д. 71, каб.310, тэл. (802133) 6-30-81.
Удзельнічайце і перамагайце. А галоўнае – робім свята сваімі рукамі.
Ірына Салаўёва
Белорусы могут бесплатно отправить почтовые карточки ко Дню Победы во время акции "Белпочты". Ко Дню…
С приходом тепла отмечается рост несчастных случаев с детьми по причине выпадения из окон.…
Дорогие жители Чашниччины! Сердечно поздравляем вас со светлым праздником Воскресения Христова. Это великое торжество позволяет…
Реализация инвестиционного проекта позволит создать новые рабочие места, обеспечить прирост налоговых поступлений в районный бюджет.…
В Чашникской детской школе искусств учащиеся всегда с удовольствием принимают участие в музыкальных конкурсах разного…
По многолетней традиции прихожане храма Преображения Господня города Чашники на светлый праздник Пасхи не оставят…