Цікавае жыццё “Крынічанькі”
У апошні час усё часцей звяртаюцца жыхары вёсак Кругліцкага сельсавета з просьбай падзякаваць за шчырую народную песню, танец, пастаноўку дзіцячы фальклорны калектыў “Крынічанька”, які працуе на базе Кругліцкага СДК. Узначальвае яго больш за 16 гадоў Алёна Пятроўна Нямчонак. У складзе — вучні Грынькоўскай ДССШ. Шмат карысных і цікавых спраў на іх рахунку. Асноўнымі ж напрамкамі — экпедыцыйна-даследчая дзейнасць, адраджэнне і захаванне рэгіянальных народных свят і абрадаў, песеннай і танцавальнай творчасці.
Падабаецца ўдзельнікам радаваць землякоў, тым больш што сярод іх шмат знаёмых і родных людзей. З канцэртамі выступаюць перад работнікамі фермаў пад Новы год, да Дня абаронцаў Айчыны і Узброеных Сіл Рэспублікі Беларусь, Дня жанчын, віншуюць ветэрана Вялікай Айчыннай вайны Міхаіла Адамавіча Цапко з в. Пуські ў яго дома з нагоды свят.
Акрамя таго, з пачатку года калектывам падрыхтавана і праведзена шмат абрадаў. А зусім нядаўна ў Кругліцкім СДК прайшлі “Дажыначкі”. Цікавым атрымалася мерапрыемства. Было нямала танцаў, гучалі прымеркаваныя да свята народныя песні. Дзяўчынкі выступілі ў ролі жней. Падзяку гледачы выказвалі апладысментамі.
Тамара ЯЗЁНАК.