З гісторыі краіны

1 студзеня 2019 годаадзначаецца 100-годдзе з дня ўтварэння БССР.
Як праходзіла станаўленне дзяржавы, якія складанасці былі на шляху маладой рэспублікі, мы зараз можам даведацца толькі з дакументальных крыніц.

Вось толькі адзін факт таго часу. 6 кастрычніка 1918 года ад імя сялян Чашніччыны члены Копцевіцкага валаснога выканкама накіравалі пісьмо У. I. Леніну. Вось урывак з яго:
«Шлём сваё гарачае прывітанне незабыўнаму таварышу i стойкаму барацьбіту за свабоду пралетарыята i вясковай беднаты Леніну. Вітаем таварышаў, якія вы-звалілі нас ад ярма герман-скага капіталізму, i радуемся, што зноў становімся ў рады барацьбітоў за ўладу Саветаў, якія вядуць нас да poўнacцi, дабра i святла…
Задыхаючыся паўгода пад гнётам капіталізму, мы з удвоенай энергіяй возьмемся за стварэнне i аднаўленне ўлады, вызваліўшай нас, i гора таму, хто будзе станавіцца ўпоперак дарогі нам».
Натхнёныя ўзнёслымі пачуццямі i верай у светлую будучыню, рабочыя i сяляне актыўна будавалі новае жыццё. 2-3 лютага 1919 года адбыўся I Усебеларускі з’езд Саветаў, на якім Я. Свярдлоў зачытаў пастанову УЦВК РСФСР ад 31 студзеня 1919 года аб прызнанні незалежнасці Савецкай Сацыялістычнай Рэспублікі Беларусь. З’езд прыняў першую Канстытуцыю рэспублікі, а таксама дэкларацыі аб устанаўленні федэратыўных сувязяў з РСФСР i аб’яднанні Савецкіх Сацыялістычных Рэспублік Беларусі i Літвы ў адзіную дзяржаву.

Наталія ШЫРКО.